ഡാവിഞ്ചിയും മംഗളവും

                 പഞ്ചപാണ്ഡവന്മാര്‍ കട്ടില്‍ കാലുപോലെ ഒന്ന് എന്ന് പറഞ്ഞത് പോലെയാണ് മംഗളത്തിന്റെ പിള്ളേരെ പഠിപ്പീര്. ഈ ആഴ്ചയിലെ മംഗളം പത്രത്തിന്‍റെ കൂടെയുള്ള പള്ളിക്കൂടം എന്ന ഏച്ചുകെട്ട് വായിക്കാത്ത ആരെങ്കിലുമുണ്ടെങ്കില്‍ തപ്പിപിടിച്ചു വായിച്ചിരിക്കണം. പുതിയ പുതിയ അറിവുകള്‍ കിട്ടും.
                രാജശില്‍പികള്‍ എന്ന തലക്കെട്ടോടെ ലോകപ്രശസ്ത ചിത്രകാരാന്മാരെ പള്ളിക്കൂടം പിള്ളര്‍ക്കായി പരിചയപ്പെടുത്തുന്ന ആ ലേഖനം സൂപ്പര്‍....  വലിയവര്‍ക്കും വായിക്കാം
ദാ അതിലെ ഒരു സാമ്പിള്‍

         ഇത് ലിയനാര്‍ഡോ ഡാവിഞ്ചിയുടെ ലാസ്റ്റ്‌ സപ്പര്‍ എന്ന ചിത്രമാണ്.
എന്റെ പൊന്നു മംഗളമേ... ഇതൊരു ' ഒടുക്കത്തെ അത്താഴമായിപ്പോയല്ലോ' .....

അപ്പൊ ഇതെന്തായിരിക്കും പോലും

          Jacopo Bassano എന്ന ഇറ്റാലിയന്‍ ചിത്രകാരന്‍ 1542 ല്‍ വരച്ച ചിതരമാണ് മംഗളം ലിയനാര്‍ഡോ ഡാവിഞ്ചിയുടെ ലാസ്റ്റ്‌ സപ്പര്‍  ആയി തെറ്റിധരിചിരിക്കുന്നത്. തനി മുക്കുവന്‍റെ രീതിയില്‍ അവസാന അത്താഴത്തെ ചിത്രീകരിച്ചിരിക്കുന്ന ഒന്നാണിത്.

          1510 ല്‍ ഇറ്റലിയിലെ വെനീസില്‍ ജനിച്ച അദ്ദേഹം 13 February 1592 ആണ് മരിക്കുന്നത്. അദ്ദേഹത്തിന്‍റെ പ്രശസ്തമായ ചിത്രങ്ങള്‍ Purification of the Temple,  Return to Canaan, Dives and Lazarus, Acteon and the Nymphs, The Last Supper , Annunciation to the Shepherds. എന്നിവയാണ്. ലാസ്റ്റ്‌ സപ്പര്‍  റോമിലെ  Galleria Borghese ല്‍ ആണ് ഇപ്പോഴുള്ളത്.
            ഡാവിഞ്ചിയുടെ ലാസ്റ്റ്‌ സപ്പര്‍   ഏതാണെന്ന് ഏതു പോലീസുകാരനോട് ചോദിച്ചാലും പറയും അപ്പോഴാ മംഗളം പുതിയ പഠിപ്പീരുമായി ഇറങ്ങിയെക്കുന്നെ. ഇത്തരം പക്തികള്‍ കൈകാര്യം ചെയ്യാന്‍ കുറച്ചെങ്കിലും മൂളയുള്ളവരെ ഏല്‍പ്പിച്ചു കൂടെ.
       ഇതൊരുമാതിരി വയ്യാത്ത പട്ടി കയ്യാല കേറാന്‍ നോക്കുന്ന എടപാടായി പോയി.
ലാസ്റ്റ്‌ സപ്പറിനെ കുറിച്ച് കൂടുതല്‍ അറിയണമെങ്കില്‍
വിക്കി വക
ഡാവിഞ്ചി
http://en.wikipedia.org/wiki/The_Last_Supper_(Leonardo_da_Vinci)
ജകോപോ
http://en.wikipedia.org/wiki/Jacopo_Bassano
ലാസ്റ്റ്‌ സപ്പറും ഡാവിഞ്ചിയുടെ കോഡും അറിയണമെങ്കില്‍
http://www.lisashea.com/hobbies/art/lastsupper.html
http://www.jaydax.co.uk/lastsupper/lastsupper.htm