KSBI ഇൻക്യൂബേറ്റ് ദ എഗ്ഗ്‌സ് 3

അധ്യായം 3

സമയം: രാവിലെ പത്തുമണി.

തന്റെ കൂടെയുള്ള ഓഫീസർമാരെ പരിചയപ്പെട്ടുകൊണ്ടിരിക്കുകയാണ് CI നൗഷാദ് അലി.

SI അജിത് തോമസ്, കോൺസ്റ്റബിൾമാരായ റോയ് ജോസഫ്, സജി സുകുമാരൻ, പിന്നെ വനിതാ ഹെഡ് കോൺസ്റ്റബിൾ വിമല സദാശിവൻ.

"ങ്ങാ... നല്ല ടീം. എല്ലാം ഒന്നിനൊന്നു മെച്ചമാണല്ലോ."

പരിഹാസത്തോടുകൂടി ആരോടെന്നില്ലാതെ നൗഷാദ് പറഞ്ഞു.

"ഇനി തലയായിട്ട് സുബ്രു സാറുകൂടി വന്നാൽ പൂർത്തിയായി."

ശിവ സുബ്രഹ്മണ്യത്തെ പോലീസ് ഡിപ്പാർട്ട്മെന്റിൽ കളിയായി വിളിക്കുന്നത് സുബ്രു എന്നാണ്.

"നൗഷാദ് സാറും മോശമൊന്നുമല്ലല്ലോ."

SI അജിത് പറഞ്ഞു.

"ഇതെന്തിനാ നമ്മളെ ഇവിടെ പിടിച്ചിട്ടത്? പുറത്തിരുന്നേൽ വല്ല വണ്ടിക്കരേയോ ചീട്ടുകളിക്കാരെയോ കുത്തിന് പിടിച്ച് നാല് ചക്രമുണ്ടാക്കാമായിരുന്നു."

SI തുടർന്നു.

"ദാണ്ടെ... സാർ വരുന്നു."

പുറത്തേക്ക് നോക്കിക്കൊണ്ട് വിമല എല്ലാവരോടുമായി വിളിച്ചുപറഞ്ഞു.

പെട്ടെന്ന് തന്നെ എല്ലാവരും തൊപ്പിയണിഞ്ഞ് അറ്റൻഷനിൽ ആയി.

അഞ്ചടി നാലിഞ്ച് മാത്രം ഉയരമുള്ള, കട്ടി മേൽമീശയും ഇരുണ്ട ശരീരനിറവുമുള്ള, അധികം തടിക്കാത്ത ശരീരപ്രകൃതിയുള്ള ശിവ സുബ്രഹ്മണ്യം ആ ഓഫീസിലേക്ക് കയറിവന്നു.

തനിക്ക് നൽകിയ സല്യൂട്ട് തിരിച്ചുനൽകിക്കൊണ്ട് ആ ഓഫീസ് മൊത്തമായി ഒന്ന് ഓടിച്ചുനോക്കി.

ഒരു ഓഫീസ് റൂമും രണ്ട് ക്യാബിനും, പിന്നെ ഒരു കിച്ചനും. രണ്ട് കമ്പ്യൂട്ടറുകളും അനുബന്ധ സാധനങ്ങളും.

എല്ലാം ഒന്നോടിച്ചുനോക്കിയശേഷം തന്റെ മുന്നിൽ നിൽക്കുന്ന, ഇനിമുതൽ തന്റെ സഹപ്രവർത്തകരാകേണ്ട ബാക്കിയുള്ളവരെയാകെ ഒന്ന് നോക്കി.

"ഇന്നലെ തന്നെ നിങ്ങളുടെ എല്ലാവരുടെയും സ്ഥാവരജംഗമ വിവരങ്ങൾ എനിക്ക് കിട്ടിയിരുന്നു."

പകുതി കളിയായെന്നവണ്ണം അവരോടായി ശിവ പറഞ്ഞു.

ഇഞ്ചികടിച്ച കുരങ്ങന്മാരെപ്പോലെ തന്നെ നോക്കിനിൽക്കുന്ന അവരോടായി അവൻ തുടർന്നു.

"നിങ്ങളെല്ലാവരും തന്നെ പണിഷ്മെന്റ് കിട്ടി ഈ ജോലിക്ക് വന്നുപെട്ടവരാണെന്ന് എനിക്കറിയാം. നിങ്ങളെത്തന്നെ ഇതിനു മേലോഫിസീന്ന് തെരഞ്ഞെടുത്തത്, അവർക്ക് ആർക്കും ഈ പുതിയ സംവിധാനത്തിൽ താൽപര്യമില്ലാത്തതിനാലാണ്. ഇതെങ്ങനെയെങ്കിലും ഇല്ലാതാകണം."

ഒന്ന് നിർത്തി മറ്റുള്ളവരുടെ ഭാവമാറ്റം ശ്രദ്ധിച്ചുകൊണ്ട് ശിവ തുടർന്നു.

"എന്നാൽ ഇത് വേണമെന്നും വിജയിക്കണമെന്നും ഒരാൾ അതിയായി ആഗ്രഹിക്കുന്നുണ്ട്. നമ്മുടെ സിഎം."

ഒന്ന് നിർത്തി വീണ്ടും തുടർന്നു.

"ഇപ്പോൾ മുതൽ നമ്മളും അതാഗ്രഹിക്കുകയും അതിനുവേണ്ടി പരമാവധി പ്രവർത്തിക്കുകയും ചെയ്യും."

ആജ്ഞ പോലെ അവൻ പറഞ്ഞു.

"നമ്മുടെ മേലുള്ള എല്ലാ കളങ്കവും മാറ്റാനും നമ്മളെ അവജ്ഞയോടെ കണ്ടവരുടെ മുന്നിൽ തലയുയർത്തി നിൽക്കാനുമുള്ള അവസരമായി ഇതിനെ കാണണം. ശരിയല്ലേ?"

അവരോടായി ചോദിച്ചു.

"യെസ് സാർ!"

ആത്മാഭിമാനത്തോടെയെന്നപോലെ അവർ ഒരുമിച്ച് ഉച്ചത്തിൽ പറഞ്ഞു.

"അപ്പോൾ നമുക്ക് ആരംഭിക്കാം, അല്ലേ?"

"ഓക്കേ, സാർ."

CI നൗഷാദ് പറഞ്ഞു.

"ഒരാൾകൂടി ഉടൻ തന്നെ നമ്മോടൊപ്പം ചേരും. അതിന് പറ്റിയ ആളെ കിട്ടാഞ്ഞിട്ടാണെന്ന് തോന്നുന്നു."

ശിവ പറഞ്ഞു.

"നൗഷാദ്, എല്ലാവർക്കും ഓഫീസിലുള്ള വർക്കുകളും കാര്യങ്ങളും ഡിവൈഡ് ചെയ്ത് നൽകൂ."

ഏകദേശം അരമണിക്കൂർ കഴിഞ്ഞിട്ടുണ്ടാകും.

സിഎമ്മിന്റെ ഓഫീസിൽനിന്നും ആദ്യ കേസിന്റെ ഫയൽ ശിവയെ തേടി എത്തി.

തന്റെ കയ്യിലിരുന്ന ഫയൽ വായിച്ചശേഷം അവൻ എല്ലാവരെയും വിളിച്ചുചേർത്തു.

"നമ്മുടെ ആദ്യ കേസ് അസൈൻ ചെയ്ത് കിട്ടിയിട്ടുണ്ട്. നിങ്ങൾക്കെല്ലാം അറിയാവുന്ന ഒന്നാണ് അത്. ഒരു തെളിവും അവശേഷിപ്പിക്കാതെ അപ്രത്യക്ഷയായ ജ്യോത്സന എന്ന പെൺകുട്ടിയുടെ കേസ്."

"ആ കേസോ?"

ആശ്ചര്യത്തോടെ SI അജിത് വിളിച്ചുപറഞ്ഞു.

എല്ലാവരുടെയും ഭാവം അതുതന്നെയായിരുന്നു—ആശ്ചര്യവും അത്ഭുതവും.

(തുടരും)

KSBI : ഇൻക്യൂബേറ്റ് ദ എഗ്ഗ്‌സ്-2

 തന്റെ മുന്നിൽ അറ്റൻഷനായി നിന്ന് സല്യൂട്ട് അടിക്കുന്ന ശിവ സുബ്രഹ്മണ്യം IPS-നെ തിരിച്ച് അഭിവാദ്യം ചെയ്തുകൊണ്ട് മുഖ്യമന്ത്രി സ. പി. കെ. വി. എന്ന പി. കെ. വിശ്വനാഥൻ തന്റെ സീറ്റിൽനിന്നും പതിയെ എഴുന്നേറ്റു.

"ഉം... ശിവ സുബ്രഹ്മണ്യം അല്ലേ?"

"അതെ, സാർ."

"എന്നെ സാർ എന്ന് വിളിക്കണ്ട. സഖാവ് എന്ന് മതി. അതാണെനിക്ക് ഇഷ്ടവും."

"ഓക്കേ, സാർ."

"എന്തുവാടോ ഇത്? തന്നെ ഇതേൽപ്പിച്ചാൽ വല്ലതും നടക്കുമോ?"

"നടക്കും സാ... അല്ല, സഖാവേ."

"ഓ, കാര്യങ്ങൾ ഡിജിപി പറഞ്ഞില്ലേ?"

"പറഞ്ഞിരുന്നു."

"പുതിയ ഒരു പരീക്ഷണമാണ്. നീതി കിട്ടാത്തവർക്ക് പ്രതീക്ഷയുടെ നറുവെട്ടം എന്നപോലെ. തെളിയിക്കപ്പെടാത്തതും തെളിയിക്കാൻ താൽപര്യമില്ലാത്തതുമായ ഒരുപാട് കേസുകൾ ഇവിടുണ്ട്. അതിൽ എന്തെങ്കിലും ഒരു മാറ്റം... അതാണ് ഞാൻ ഉദ്ദേശിക്കുന്നത്."

"മനസ്സിലായി, സഖാവേ."

"ഞാൻ പ്രതീക്ഷിച്ചിരുന്നത് ലോ ആൻഡ് ഓർഡറിൽ ഉള്ള, നല്ല ട്രാക്ക് റെക്കോർഡുള്ള ഒരാളെ അവർ തിരഞ്ഞെടുക്കും എന്നായിരുന്നു. പക്ഷേ അവർ തന്നെയാണ് നിയോഗിച്ചിരിക്കുന്നത്."

"അതെ, സഖാവേ."

മുഖത്ത് ചെറിയ വാട്ടത്തോടുകൂടി ശിവ സുബ്രഹ്മണ്യം പറഞ്ഞു.

"താൻ വിഷമിക്കണ്ടെടോ. താൻ IPS അല്ലേ? അവസരം കിട്ടിയാൽ ആരും കഴിവ് തെളിയിക്കും. പക്ഷേ അതിനുവേണ്ടി ശ്രമിക്കുകകൂടി വേണം. താൻ പരിശ്രമിച്ചുനോക്കെടോ."

"പരിശ്രമിക്കാം, സഖാവേ."

"കാര്യം കുറ്റമെല്ലാം രാഷ്ട്രീയക്കാരുടെ തലയിലാണെങ്കിലും, ബ്യൂറോക്രാറ്റുകൾ നല്ല രീതിയിൽ സഹകരിച്ചാൽ മാത്രമേ ഭരിക്കുന്ന പാർട്ടിക്ക് എന്തെങ്കിലും ചെയ്യാൻ പറ്റൂ. തന്നെ ഞാൻ വിശ്വസിക്കുന്നു. തനിക്കെന്തെങ്കിലും കൂടുതലായി പറയാനുണ്ടോ?"

"ഉണ്ട്, സഖാവേ."

"താൻ ധൈര്യമായി പറഞ്ഞോടോ. പത്രക്കാർ പറയുന്നതുപോലെ ഞാൻ അത്ര മുരടനൊന്നും അല്ലഡോ."

"സഖാവേ, ഞാൻ ഒരു കേസ് അന്വേഷണം ആരംഭിച്ചുകഴിഞ്ഞാൽ ആരും ഇടയ്ക്കുവെച്ച് തടസ്സം ഉണ്ടാക്കരുത് എന്നൊരു അപേക്ഷയുണ്ട്."

"ഹ... ഹ... ഓക്കേ, ഓക്കേ. ആരും തന്നെ ശല്യപ്പെടുത്തില്ലടോ. താൻ റിപ്പോർട്ട് എനിക്ക് മാത്രം തന്നാൽ മതി. കേസുമായി ബന്ധപ്പെട്ട ഏതു കാര്യത്തിനും എപ്പോൾ വേണമെങ്കിലും താൻ എന്നെ ബന്ധപ്പെട്ടോ. എവിടെ വേണമെങ്കിലും താൻ കയറി പരിശോധിച്ചോ. എന്നോട് ഒന്ന് അറിയിച്ചിട്ട്."

"അത് മതി, സഖാവേ."

സന്തോഷത്തോടുകൂടി ശിവ സുബ്രഹ്മണ്യം പറഞ്ഞു.

"നാളെയോടെ നിങ്ങൾക്കുള്ള ഓഫീസും കാര്യങ്ങളും എല്ലാം റെഡിയാകും. നാളെ കഴിഞ്ഞ് ആദ്യ കേസും അവിടെയെത്തും."

(തുടരും)

KSBI : ഇൻക്യൂബേറ്റ് ദ എഗ്ഗ്‌സ്

........ ഈ പ്രപഞ്ചത്തിലുള്ള ഏതെങ്കിലും ഒന്ന് നശിച്ചാൽ അത് പരമാണുക്കളായി പിരിഞ്ഞ് ജലം, വായു, ഭൂമി, അഗ്നി എന്നിവയിൽ ലയിക്കുന്നു. ഏതെങ്കിലും ഒരിക്കൽ ആ പരമാണുക്കൾ എല്ലാം ഒന്നുചേർന്നാൽ അവിടെ പുനർജന്മം സാധ്യമാകും.

(ബുദ്ധമത ചിന്ത)

"നീ എന്തിനു ഭയക്കുന്നു? ഈ ലോകത്തിന്റെ ഭാവിയെ പ്രകാശമാനമാക്കാനുള്ള അവസരം നിനക്ക് വന്നതിൽ ആഹ്ലാദിക്കുകയല്ലേ വേണ്ടത്?"

മുകളിലായി പ്രകാശിക്കുന്ന ലൈറ്റിൽ നിന്നുമുള്ള വെളിച്ചത്തിൽ ഭയന്ന കണ്ണുകളോടെ, അനങ്ങാൻ പോലുമാവാതെ ആറടിക്കു മേൽ നീളമുള്ള ഒരു മേശമേൽ നഗ്നമേനിയുമായി മലർന്നുകിടക്കുന്ന പുരുഷനെ സമീപിച്ചുകൊണ്ട് അയാൾ പറഞ്ഞു.

"നിസ്സാരമായ നമ്മുടെ ഈ ലോകത്തുനിന്നുള്ള യാത്ര നിനക്ക് തുടങ്ങാം. ചെറിയ വേദന മാത്രം. നിന്റെ മുഖത്ത് പ്രകൃതി പതിച്ചുതന്ന ആ മനോഹരമായ ചർമ്മം ഞാനിപ്പോൾ എടുക്കും. മനുഷ്യന്റെ തൊലി പൊളിക്കുവാൻ വളരെ എളുപ്പമാണ്. എന്റെ അനുഭവം വച്ച് ഞാൻ പറയുന്നതാണ്. വളരെ ചെറിയ വേദന മാത്രം. ഒരു തുള്ളി ചോര പോലും പോകാതെ ഞാൻ നോക്കും. എന്നെ വിശ്വസിക്കൂ. വരുന്ന കാലം നിന്നിലൂടെ ആയിരിക്കും."

കയ്യിലിരിക്കുന്ന മൂർച്ചയേറിയ കത്തി നിസ്സഹായനായി കിടക്കുന്ന ആ മനുഷ്യന്റെ മുഖത്തേക്ക് അയാൾ അടുപ്പിച്ചു.

------------------------------------------------------------------------------

"ഇങ്ങേർക്കിതെന്നാത്തിന്റെ കഴപ്പാ. പുതിയ ഡിപ്പാർട്ട്മെന്റ് വേണം പോലും. ഇപ്പോഴുള്ളതൊന്നും പോരാഞ്ഞിട്ട്."

തന്റെ മുന്നിലിരിക്കുന്ന ഐജി പി. രവികുമാർ IPS-നോടായി എഡിജിപി തോമസ് കുര്യൻ പറഞ്ഞു.

"എന്താന്ന്, സാർ? തെളിച്ചു പറ."

"മുഖ്യൻ എന്ത് മൊഴിയുന്നോ അത് വിഴുങ്ങാനായി ഒരു ഗോസായി ഡിജിപി."

"സർ."

"എടോ, അധ്വാന വർഗ്ഗത്തിന്റെ പടത്തലവന് ഇപ്പോൾ സിബിഐ പോലെ കേരളത്തിൽ അങ്ങേരുടെ അണ്ടറിൽ നിൽക്കുന്ന, വിവാദമായ കേസുകൾ അന്വേഷിക്കാൻ ഒരു പുതിയ ഏജൻസി വേണം. അതിനു നമ്മൾ ഒരു IPS ഓഫീസറെയും ഒരു CI-യെയും മൂന്ന് ഓഫീസർമാരെയും, അതുപോലെ അവന്മാർക്ക് നിരങ്ങാൻ ഓഫീസും ഒണ്ടാക്കി കൊടുക്കണം."

"അപ്പോൾ ക്രൈം ബ്രാഞ്ചോ?"

"ആ! എന്നാൽ ഒരു കാര്യം അറിയാം. ഇത് ആറുമാസം കൊണ്ട് വിജയിച്ചാൽ നമ്മുടെ ഒക്കെ കാര്യം ഗോവിന്ദ."

"സർ, ഞാനൊരു കാര്യം പറയട്ടെ."

"താൻ പറഞ്ഞു തൊലക്കടോ," എഡിജിപി പറഞ്ഞു.

"വലിയ റെക്കോർഡ് ഒന്നുമില്ലാത്ത ഒരുത്തനെ പിടിച്ചു തലപ്പത്തിരുത്തിയാലോ?"

"അതിനു പറ്റിയ ആളെ കിട്ടാനാ തന്നെ വിളിപ്പിച്ചേ."

"എങ്കിൽ നമ്മുടെ ബാംബൂ കോർപ്പറേഷനിൽ ഈറ്റവെട്ടി നടക്കുന്ന സുബ്രുവിനെ പൊക്കിയാലോ? അതാകുമ്പോൾ അവനേതോ സംവരണ കോട്ട കേസാ. സാറ് ഡിജിപിയെ പറഞ്ഞു വീഴിച്ചാൽ മതി."

"അത് കൊള്ളാം. ബാക്കി ഞാനേറ്റഡോ."

സന്തോഷത്തോടുകൂടി തൊപ്പി എടുത്ത് തലയിൽ വച്ചുകൊണ്ട് എഡിജിപി തോമസ് കുര്യൻ തന്റെ സീറ്റിൽനിന്നും എഴുന്നേറ്റു.

(തുടരും)

അരിയാന്‍ രാജമാന്നാന് ആദരാഞ്ജലികള്‍.

ഇരുപത്തിഎട്ടാം വയസില്‍ തന്റെ ഈ ലോകത്തെ ജീവിതവും മൂന്നു വര്ഷം മാത്രം നീണ്ട തന്റെ ഭരണവും അവസാനിപ്പിച്ച്‌ ഈ ലോകത്തെ വിട്ടുപിരിഞ്ഞ അരിയാന്‍ രാജമാന്നാന് ആദരാഞ്ജലികള്‍.

കല്ലറയിലെ കോട്ടിട്ട കറുമ്പന്‍ രൂപം

               ഞാന്‍ കുറച്ചു ഡീസന്റ് ആകാന്‍ തീരുമാനിച്ചു. (ഒന്തോടിയാല്‍ വേലിയോളം ആണെങ്കിലും) . നാട്ടുകാരുടെ കുറ്റം പറച്ചിലും ചീത്തവിളിയും എല്ലാം കുറച്ചുനാള്‍ നിറുത്തിവച്ചു പ്രേതങ്ങളുടെയും പിശാച്ചുക്കളുടെയും പുറകെ പോയി അവയുടെ കൈക്ക് (കയ്യുണ്ടോ ?) പണിയുണ്ടാക്കാന്‍ തീരുമാനിച്ചു. എപ്പടി ഐഡിയ ?

          ഇതില്‍ പറഞ്ഞിരിക്കുന്ന കാര്യങ്ങള്‍ മൂന്നുപേരില്‍ നിന്നായി കെട്ടുള്ള അറിവാണ്. ഈ സംഭവം നടക്കുന്ന സ്ഥലം എനിക്ക് നല്ല പരിചയമുള്ള ഇടമാണ്. ഇതുവഴി പലപ്പോഴും രാത്രിയും പകലും ഞാന്‍ നടന്നിട്ടുള്ളതുമാണ്, എന്നാല്‍ ഞാന്‍ യാതൊന്നും അസ്വോഭാവികമായി കണ്ടിട്ടുമില്ല കേട്ടിട്ടുമില്ല. ഞാന്‍ പറയുന്ന ഈ കഥ നടക്കുന്ന പ്രദേശവും അതിന്റെ ചുറ്റുവട്ടവും തമ്മില്‍ ബന്ധപ്പെട്ട് കുറെ അധികം കഥകള്‍ ഉണ്ട്. അവക്ക് പരസ്പരം ബന്ധവും ഉണ്ട്. 

           ഇടുക്കി ജില്ലയിലെ അധികം പഴക്കമില്ലാത്ത ഒരു ഹൈസ്കൂള്‍. സ്കൂളിന് പുതിയ മൈതാനം പണിയുവാന്‍ തീരുമാനമായി. സ്കൂളിന്റെ മുന്‍വശത്തായി മുട്ടുകാല്‍ മടക്കി കിടക്കുന്ന ആനയുടെ പുറം പോലുള്ള ഒരു ചെറിയ കുന്നുണ്ട്. അത് നിരത്തി മൈതാനമാക്കുവാന്‍ PTA യും മാനേജുമെന്റും കൂടി തീരുമാനിച്ചു. ആ കുന്നില്‍ ഒരു ചെറിയ കല്‍ഗുഹ ഉണ്ട്. നാല് പരന്ന കല്ല്‌ കുത്തിനാട്ടി നിറുത്തി അതിനു മുകളില്‍ മറ്റൊരു കല്ല്‌ നിരക്കി വച്ചത് പോലെ. അതിന്റെ പുറമേ കാണാവുന്ന ചെറിയ ഭാഗത്തിലൂടെ കുട്ടികള്‍ നൂഴ്ന്നു ഇറങ്ങി അകത്ത് കുത്തി ഇരിക്കാരുള്ളതാണ്. മധ്യകാല ശിലായുഗത്തിലെ മുനിയറകള്‍ ആണ് അവ എന്ന വിശ്വാസത്തില്‍ എല്ലാവരും തന്നെ അതിനെ കാര്യമായി എടുത്തില്ല.

വല്യമ്മച്ചി അക്കത്തിലെ അക്കത്തിലെ മണ്ട്, കുഞ്ചിക്കാടെല്ലാം പഞ്ചാനെ

അരിയാന്‍ രാജമാന്നാന്‍

• അശകോ നിന്താര് ഏടെച്ചാ ?
• തിക്കിലാത്തതി ?
• ഏടെക്ക് മണ്ടിനാ ?
• നെശമാന കുഞ്ഞിക്കാട് 
• ശരിയാന മോകര്‍ 
• മത്താളം ചൂടാ കൊള്ളി കൊണ്ടു ബരീ 
• തീക്കൊള്ളി ഏടുത്തു ബരീനാ
• ചെന്നെല്ലാം ഏടെ കൂരേന്നു ബന്തു ?

           വെളിയനുക്ക് തിക്കിലാത്തതി ?   ഒഹ്.....; ----- ഇവനെന്താ പാതിരാത്രിക്ക് പേടി സ്വപ്നം കണ്ടെഴുന്നേറ്റവന്റെ പോലെ പിച്ചും പേയും പറയുന്നേ എന്ന് വിചാരിക്കേണ്ട. ഇത് ഒരു ജനതതിയുടെ സംസാര ഭാഷയാണ്‌. ഇന്ത്യന്‍ മഹാരാജ്യത്തിനുള്ളില്‍ തന്നെ സ്വന്തമായി രാജ്യവും, രാജാവും, മന്ത്രിയും, പോലീസും, പ്രജകളും രാജകൊട്ടരവും ഉള്ള ഒരു വിഭാഗത്തിന്‍റെ - മന്നാന്‍ സമുദായത്തിന്റെ.

        ഇടുക്കി ജില്ലയിലെ ഉടുമ്പന്‍ചോല താലൂക്കില്‍ കോഴിമല ആണ് ഇവരുടെ ആസ്ഥാനം. ഇവിടിരുന്നുകൊണ്ടാണ് ഇടുക്കിയുടെ പലഭാഗങ്ങളിലായി ചിതറികിടക്കുന്ന പ്രജകളെ രാജാവ് ഭരിക്കുന്നത്. അരിയാന്‍ (ആര്യന്‍) രാജമാന്നാന്‍ ആണ് ഇപ്പോഴത്തെ രാജാവ്. കാണിക്കാരന്‍ എന്നറിയപ്പെടുന്ന മന്ത്രിമാരാണ് ഓരോ കുടികളുടെയും ഭരണകര്‍ത്താക്കള്‍. കൊലപാതകം ഒഴിച്ചുള്ള എല്ലാ കേസുകളും ഇവരുടെ ഊരുകൂട്ടം തീര്‍പ്പ് കല്പിക്കും. മണിയാറന്കുടി,തോപ്രാങ്കുടി, വാത്തിക്കുടി, മുരിക്കാട്ടുകുടി, മണിപ്പാറ,പണിക്കംകുടി,പഴയരിക്കണ്ടം തുടങ്ങിയ കുടികളിലായി ഇവര്‍ ചിതറിക്കിടക്കുന്നു.

പതിനെട്ടു കഴിഞ്ഞവര്‍ക്കുമാത്രം-നല്ല ഒന്നാന്തരം ബഹുഭാഷാ ചീത്തവിളി

മുന്നറിയിപ്പ്: സ്വന്തം ഉത്തരവാദിത്തത്തില്‍ മാത്രം വായിക്കുക എനിക്ക് യാതൊരു ഉത്തരവാദിത്തവും ഇല്ല

പല നാടുകളില്‍ ജോലി ചെയ്യുന്ന നമ്മള്‍ മലയാളികളെ അവരുടെ ഭാഷയില്‍ ആ നാട്ടുകാര്‍ തെറിവിളിച്ചാല്‍ പറഞ്ഞതെന്താണെന്ന്  മനസ്സിലാക്കാതെ പല്ലിളിച്ചു കാണിക്കുക എന്ന അവസ്ഥയില്‍ നിന്നും ഇതാ ഒരു മോചനം. ബഹുഭാഷാ തെറി നിഘണ്ടു.

 ഇതും സായിപ്പിന്‍റെ കണ്ടുപിടുത്തം തന്നെ. പക്ഷെ ഭാഗ്യത്തിന് നമ്മുടെ മലയാളം തെറി മാത്രം അതിലില്ല. അതുകൊണ്ട് ധൈര്യമായി മലയാളത്തില്‍ വച്ചു താങ്ങിക്കോ(കിട്ടുന്നത് മേടിചോണം-no thanks എനിക്ക് പങ്ക് വേണ്ട)

ഭയമുള്ളവര്‍ ഇവിടെ നിര്‍ത്തിക്കോ. അല്ലാത്തവര്‍ മുന്നോട്ട്.

രാമക്കല്‍മേട്

ഇടുക്കി ജില്ലയിലെ പ്രധാനപ്പെട്ട വിനോദസഞ്ചാര കേന്ദ്രങ്ങളില്‍ ഒന്നായ രാമക്കല്‍മേടിന്റെ ഒരു വിഡിയോ ആവട്ടെ  ഇന്ന്. എല്ലാരും ആല്‍ബം പിടിച്ചു സാറുമാരാകുന്നു പിന്നെ ഞാനായിട്ടെന്തിനാ കുറക്കുന്നെ അല്ലെ. രാമക്കല്മെടിന്റെ ചെറിയൊരു ചിത്രം വരച്ചുകാണിക്കാനാണ് ഇതിലൂടെ ഞാന്‍ തുനിഞ്ഞിരിക്കുന്നത്. വളര്‍ന്നു വരുന്ന മേഘലകളില്‍ ഒന്നാണ് ഇത്. അതുപോലെ തന്നെ അധികാരികളുടെ അവഗണനയാല്‍ നശിക്കപ്പെടുന്ന ഇടവും. നമ്മുടെ എല്ലാ വിനോദസഞ്ചാര കേന്ദ്രങ്ങളെയും പോലെ ഇതും അടിസ്ഥാന സൗകര്യങ്ങളുടെ കുറവിനാല്‍ വീര്‍പ്പുമുട്ടുന്ന ഒന്നാണ്.

          ഇതിന്റെ നിര്‍മാണത്തിന് വേണ്ടി എന്നോടൊത്തു സഹകരിച്ച സര്‍വശ്രീ. ജോഷി, ബിബിന്‍,ജിമ്മി,സിജോ, ജെസ്റ്റിന്‍, ജയ്മോന്‍,അജീഷ്‌,സന്തു, നിതീഷ്‌ മുതലായ എല്ലാവര്‍ക്കുമുള്ള നന്ദി അറിയിക്കുന്നു. സംവിധാനവും സംഭാഷണവും കശുമുടക്കും സ്വന്തം. എഡിറ്റിംഗ് ITWORLD.

          ആരെങ്കിലും ഇത് കണ്ടിട്ട് ചീത്തവിളിക്കുന്നു എങ്കില്‍ എന്നെ മാത്രം വിളിക്കുക വീട്ടുകാരെയും നാട്ടുകാരെയും വെറുതെ വിട്ടെക്കുക.  ആദ്യമായുള്ള സംരംഭമാണ് നന്നായെന്കില്‍ പറയുക കുറ്റങ്ങളും. നന്നായെന്കില്‍ അടുത്തത്‌ പുറകെ വരുന്നുണ്ട്.

NB: സിന്‍സില, കൃഷ്ണനുംരാധയും അതിനോട് പ്രതികരിച്ച രീതിയില്‍ പ്രതികരിക്കരുതെ താങ്ങാനുള്ള ശേഷിയില്ല.......:) 

നിനക്ക് വലുതാകുമ്പോ ആരാകണം.......?

പണ്ട് പള്ളിക്കൂടത്തില്‍ പഠിച്ചിരുന്ന കാലത്ത്, സാറന്മാര്‍ക്കും ടീച്ചര്‍മാര്‍ക്കും ഒരു പരിപാടിയുണ്ട് ചുമ്മാ പിള്ളേരെ ചുറ്റിക്കാന്‍.
            "നിനക്ക് വലുതാകുമ്പോ ആരാകണം"  എന്ന അടിപ്പന്‍ ചോദ്യമാണ് അത്.  മാവേതാ മാങ്ങാണ്ടിയേതാ എന്നറിയില്ലാത്ത പിറുങ്ങാണിപ്പിള്ളേരോടാണ് ഈ ചോദ്യം.
                ഞാന്‍ നാലാം ക്ലാസില്‍ പഠിച്ചോണ്ടിരുന്നപ്പോള്‍ ആണെന്ന് തോന്നുന്നു ആദ്യമായി ഈ ചോദ്യത്തെ നേരിടുന്നത്. അന്ന് ഞാനും രാജീവും മാത്രമാണ് ഒറ്റപ്പെട്ട ഉത്തരം പറഞ്ഞത്. പെണ്‍കുട്ടികളില്‍ ഒരു 75%  പേരും അന്ന് കന്യാസ്ത്രീ ആകാന്‍ തീരുമാനിച്ചു (അവര്‍ക്കെല്ലാം തന്നെ ഇപ്പൊ 2 നു മേലെ പിള്ളേരായിട്ടുണ്ട് അതില്‍ രണ്ടെണ്ണം ഇരട്ടയും പെറ്റു .. അത് വേറെ കാര്യം) ബാക്കി 25% ടീച്ചര്‍ ആകാനും തീരുമാനിച്ചു
          ആണ്‍കുട്ടികള്‍ക്ക് കൃഷി, ഡോക്ടര്‍, സാര്‍, പോലിസ്‌  പിന്നെ ഒരന്‍പതു ശതമാനം പള്ളീലച്ചനും.
           രാജീവിന് കുറച്ചുകൂടെ വിവരം ഉണ്ടായിരുന്നു. കാരണം അവന്‍റെ അപ്പന്‍ ഞങ്ങളുടെ നാട്ടിലെ അന്നത്തെ  വലതുപക്ഷ രഷ്ട്രീയത്തിന്റെ ഭീകരനായ ഒരു പുലി ആയിരുന്നു. കലുങ്കേലിരുന്നു പാവം നാട്ടുകാരോട് രാജീവ് ഗാന്ധിയുടെയും, കരുണാകരന്റെയും, മന്ത്രിമാരുടെയും എല്ലാം കാര്യങ്ങള്‍ വര്‍ണിക്കുന്ന പൌരപ്രമുഖന്‍. അതുകൊണ്ട് അവനു മന്ത്രി ആയാല്‍ മതി.
            ഞാന്‍ അന്നും ഭയങ്കര സംഭവമായിരുന്നു. അതുകൊണ്ട് ഞാന്‍ ശരിക്കും ആലോചിച്ചു
            "ആരാകണം വലുതാകുമ്പോള്‍"

വല്ലോ സംസ്കാരവും ഉണ്ടോ......?

ഈയിടെ ഒരാള്‍ എന്നോട് ചോദിച്ചതാണ് ഈ ചോദ്യം. ഹോ..! അപ്പോഴാ എനിക്ക് മനസ്സിലായത്‌ എനിക്കാ സാധനം കുറവാണെന്ന്. അല്ല അതെന്തുവാ. സിന്ധുനദീതട സംസ്കാരം, മെസോപോട്ടോമിയന്‍ സംസ്കാരം, നൈല്‍നദീതട സംസ്കാരം എന്നെല്ലാം ചരിത്ര ക്ലാസ്സുകളില്‍ കേട്ടിട്ടുണ്ട് അതെങ്ങാനും ആണോ ഈ സാധനം. അതോ ഈ ശവം മറവുചെയ്യുന്നതാണോ.  എന്തായാലും എനിക്ക് കുറവാ ഉറപ്പ്.
             കാര്യമിതാണ് ഈയിടെ ഞാനും എന്റെയൊരു മാന്യനായ സുഹൃത്തും (ഒരുമിച്ച് പഠിച്ചതാന്) യാദൃശ്ചികമായി കോട്ടയം KSRTC സ്റ്റാന്‍ഡില്‍ വച്ച് കണ്ടു മുട്ടുന്നു. ഒത്തിരി നാളുകൂടി കണ്ടതിനാല്‍ എനിക്ക് ഭയങ്കര സന്തോഷം.
" എന്തുണ്ട് അളിയാ.. " എന്ന് ചോദിച്ചു കൊണ്ട് ഞാന്‍ വിശേഷങ്ങള്‍ ചോദിക്കാന്‍ തുടങ്ങി. അവനാണെ വലിയ താല്പര്യമൊന്നുമില്ലാത്ത രീതിയില്‍ മറുപടിയും തന്നു കൊണ്ടിരുന്നു. കുറച്ചുനേരം അങ്ങനെ നിന്നപ്പോള്‍ ശരിക്കും എന്റെ കാല്‍ കഴക്കുവാന്‍ തുടങ്ങി എവിടെങ്കിലും ഒന്നിരുന്നാല്‍ മതി എന്ന അവസ്ഥ അവനും സെയിം പിച്ച്. എന്തു ചെയ്യാം ശബരിമല സീസണ്‍ ആയതിനാല്‍ ഒരു ബഞ്ച് പോലും കാലിയില്ല. പിന്നെ ഒറ്റ മാര്‍ഗമേ ഉള്ളൂ നടയില്‍ ഇരിക്കുക. ഞാന്‍ ഒന്നും നോക്കിയില്ല കിട്ടിയ ഒരു വിടവില്‍ കയറിക്കൂടി.  തിക്കിത്തിരക്കി ഒരു ഇത്തിരി ഇടകൂടി ഉണ്ടാക്കി അവനെ ക്ഷണിച്ചു

ഡാവിഞ്ചിയും മംഗളവും

                 പഞ്ചപാണ്ഡവന്മാര്‍ കട്ടില്‍ കാലുപോലെ ഒന്ന് എന്ന് പറഞ്ഞത് പോലെയാണ് മംഗളത്തിന്റെ പിള്ളേരെ പഠിപ്പീര്. ഈ ആഴ്ചയിലെ മംഗളം പത്രത്തിന്‍റെ കൂടെയുള്ള പള്ളിക്കൂടം എന്ന ഏച്ചുകെട്ട് വായിക്കാത്ത ആരെങ്കിലുമുണ്ടെങ്കില്‍ തപ്പിപിടിച്ചു വായിച്ചിരിക്കണം. പുതിയ പുതിയ അറിവുകള്‍ കിട്ടും.
                രാജശില്‍പികള്‍ എന്ന തലക്കെട്ടോടെ ലോകപ്രശസ്ത ചിത്രകാരാന്മാരെ പള്ളിക്കൂടം പിള്ളര്‍ക്കായി പരിചയപ്പെടുത്തുന്ന ആ ലേഖനം സൂപ്പര്‍....  വലിയവര്‍ക്കും വായിക്കാം
ദാ അതിലെ ഒരു സാമ്പിള്‍

         ഇത് ലിയനാര്‍ഡോ ഡാവിഞ്ചിയുടെ ലാസ്റ്റ്‌ സപ്പര്‍ എന്ന ചിത്രമാണ്.
എന്റെ പൊന്നു മംഗളമേ... ഇതൊരു ' ഒടുക്കത്തെ അത്താഴമായിപ്പോയല്ലോ' .....

ഒരു പാവം ഭീകരന്‍

ഞങ്ങളുടെ നാട്ടിലെ ഒരു പാവം ഭീകരനെ പരിചയപ്പെടുത്താം. അങ്ങേര് അഭിനയിച്ച ഒരു വീഡിയോ കണ്ടു നോക്ക് എങ്ങനുന്ടെന്നു.

ബയോഡാറ്റ

     പേര്: ഇട്ടിട്ടില്ല (എന്തും വിളിക്കാം തിരിച്ചു കമാന്നു മിണ്ടില്ല)

      വയസ്സ് : അറിയിച്ചു കാണും പക്ഷെ നമ്മുക്ക് അറിയില്ല. (എന്നാലും എത്ര കാണും... )

      തൂക്കം: 30 കിലോ (സത്യം കുട്ടാ....)

      സ്ഥലം: കത്തിപ്പാറ അടിമാലി ( പെട്ട് പോയതാ...)

ചെകുത്താന്‍ വേദമോതുന്നു അഥവാ ദയാഭായിക്ക് ഒരു തുറന്ന കത്ത്

സ്നേഹം നിറഞ്ഞ ദയാ ഭായിക്ക്,
           ഭവതിയെ കുറിച്ച് ഞാന്‍ ഈ അടുത്തയിടെയാണ് അറിഞ്ഞത്, എങ്കിലും സ്വന്തം ജീവിതവും സുഖസൗകര്യങ്ങളും ഉപേക്ഷിച്ച് ആദിവാസികളുടെ ഇടയില്‍ അവരിലൊരാളെ പോലെ ജീവിക്കുകയും അവര്‍ക്ക് വേണ്ടി പ്രവര്‍ത്തിക്കുകയും ചെയ്യുന്നതിലുള്ള സ്നേഹവും ബഹുമാനവും ആദ്യമേ അറിയിക്കട്ടെ.
        ഭവതി ഈയിടെ കേരളത്തില്‍ വന്നു നടത്തിയ ഒരു പ്രസ്താവനയാണ് എന്നെ ഈ കത്തെഴുതാന്‍ പ്രേരിപ്പിച്ചത്.  അങ്ങ് ചെറുപ്പത്തില്‍ കേരളത്തില്‍ ജീവിച്ചിരുന്നപ്പോള്‍ കഞ്ഞി വയ്ക്കുമായിരുന്നു അല്ലെ, കഞ്ഞി വെന്തോ എന്നറിയാന്‍ അതില്‍ ഒരു വറ്റെടുത്തു നോക്കിയാല്‍ മതിയാകും എന്നും അവിടുന്ന് പഠിച്ചുകാണും അല്ലെ.  ആ അളവുകോല്‍ വച്ചാണോ അവിടുന്ന് കേരളം ചെകുത്താന്മാരുടെ നാടാണ് എന്ന് വിലയിരുത്തിയത്. അപ്പോള്‍ അവിടുത്തെ അപ്പനും അമ്മയും സഹോദരങ്ങളും ബന്ധുക്കളും എല്ലാം ചെകുത്താന്മാര്‍ തന്നെയാണോ ?  അറിയാന്‍ മേലാഞ്ഞിട്ടാ... അതോ അങ്ങേക്ക് ഇത്തരത്തിലുള്ള ബന്ധങ്ങളൊന്നും ഇല്ലേ....!

കന്യാകത്വത്തിന്റെ ലൈംഗിക വിപണി മൂല്യം

ഈ ലോകത്ത് പല ജോലികള്‍ ഉണ്ട്.  അവക്കെല്ലാം തന്നെ തൊഴില്‍  പരിചയം അത്യാവിശമാണ്. ജോലി പരിചയത്തിനനുസരിച്ചു അവര്‍ക്ക് മൂല്യവും കൂടും. എന്നാല്‍ ലോകത്തിലെ ഏറ്റവും പഴക്കം ചെന്ന കുടില്‍ വ്യവസായമായ ലൈംഗിക ചന്തയില്‍ മാത്രം തൊഴില്‍ പരിചയമില്ലാത്ത തൊഴിലാളികള്‍ക്കാണ് ഡിമാന്‍ഡ്. അവിടുത്തെ ഭാഷയില്‍ പറഞ്ഞാല്‍ ഒട്ടും ഓടാത്ത വണ്ടിക്ക് പറയുന്നതാണ് വില. നല്ല മോഡല്‍ കൂടിയാണെങ്കില്‍ പറയുകയും വേണ്ടാ. അധികം ഒടാത്തതാനെന്കിലും കുഴപ്പമില്ല.  ഇവിടെ മാത്രം തൊഴില്‍ പരിചയമുള്ളവര്‍ താപ്പാനയുടെ പണിയാണ് ചെയ്യുന്നത്. പുതിയ പിള്ളേരെ പണികള്‍ പഠിപ്പിക്കുന്ന പണി.
          ഈ തൊഴില്‍ മേഘലയിലേക്ക് മാത്രം ഇറങ്ങിച്ചെല്ലാന്‍ നമ്മുടെ നാട്ടില്‍ ആരും തന്നെ ഇഷ്ടപ്പെടാറില്ല. ഈ മേഘലയിലെ തൊഴിലാളികള്‍ ഭൂരിപക്ഷവും തന്നെ സാഹചര്യങ്ങള്‍ മൂലവും, നിവൃത്തികെടുകൊണ്ടും, കെണിയില്‍ അകപ്പെട്ടും, വൃത്തികെട്ട മത ആചാരങ്ങളുടെ പേരിലും ഇവിടേയ്ക്ക് വലിചിഴക്കപ്പെട്ടവരാണ്.

ഈ സ്വയംഭോഗം എന്ന് പറഞ്ഞാലെന്താ ?

 രണ്ടു ദിവസമായി ആവശ്യമില്ലാത്ത പുലിവാല് പിടിച്ച്, മെയിലിലൂടെ മാന്യമായ തെറിവിളികളൊക്കെ മേടിച്ചുകെട്ടി, ഇന്നാരുടെ മുതുകത്ത് കേറി ഒന്ന് പോസ്റ്റുക എന്നോര്‍ത്തിരിക്കുമ്പോഴാണ്, എന്റെ ഒരു സുഹൃത്ത്‌ കുശലാന്യേഷണത്തിനായി വിളിക്കുന്നത്‌.
          രാജീവ്‌ ആള് പുലിയാണ്, ഇപ്പൊ എന്ജിനീയരാന്.  സാമാന്യം നല്ല തലയും അതിലേറെ മണ്ടത്തരങ്ങളും, കാണിച്ചിട്ടുള്ള ശുദ്ധന്‍. അവന്റെ ഒരു മണ്ടത്തരമാവട്ടെ ഇന്ന്.
           അവന്റെ സ്വഭാവം മനസ്സിലാക്കാനുള്ള ഒരു ചെറിയ സംഭവം
          ആശാന്‍ കോളേജില്‍ പഠിക്കുന്ന സമയം അവനൊരു ആത്മാര്‍ത്ഥ കൂട്ടുകാരനുണ്ട് എപ്പോഴും രണ്ട് പേരും ഒരുമിച്ചേ നടക്കാറുള്ളൂ. ഇരട്ടകളെന്നാണ് കോളേജില്‍ അറിയപ്പെടുന്നത്. ഒരു ദിവസം ആശാന്‍ തന്നെ നടന്നു വരുന്നു.  ഞങ്ങള്‍ ഇതെന്തുപറ്റി എന്നോര്‍ത്ത് അത്ഭുതത്തോടെ നോക്കി നില്‍ക്കുകയാണ്. ആള് നേരെ ഞങ്ങളുടെ അടുത്ത് വന്ന് ചോദിച്ചു

ഞങ്ങള്‍ക്ക് നിങ്ങള്‍ പ്രിയപ്പെട്ടവരായിരുന്നു.....

            മരണം ഒരു യാത്രയാണ് എന്ന് വലിയവര്‍ പറയാറുണ്ട്‌ എന്നാലും, ചെറിയ നമ്മള്‍ക്കീ യാത്ര, ഒരിക്കലും തിരിച്ചുവരവില്ലാത്ത യാത്ര ദുഃഖങ്ങള്‍ മാത്രമേ നല്‍കാറുള്ളൂ. യാത്രക്കാരെക്കാള്‍ യാത്ര അയക്കുന്നവര്‍ക്ക്. യാത്ര പോയവര്‍ എന്നും വിങ്ങുന്ന ഓര്‍മ്മയായി നമ്മുടെ ഉള്ളില്‍ ജീവിക്കുമെങ്കിലും.
          ഈ അടുത്തകാലത്തെ പത്രങ്ങളെടുത്തു നോക്കിയാല്‍ ഏറ്റവുമധികം റിപ്പോര്‍ട്ട്‌ ചെയ്തിരിക്കുന്നത് മുങ്ങി മരണത്തെക്കുരിച്ചാണ്.

കോര്‍പറേറ്റ്‌ ലോകത്ത്‌ ഒരിടത്തും കാണാത്തത്

 ബഷീര്‍ വള്ളിക്കുന്നിന്റെ ഇന്നത്തെ പോസ്റ്റ്‌ ( ഐ ലവ് യു പറയേണ്ടതെങ്ങിനെ? )വായിച്ചപ്പോള്‍ എന്റെ നെഞ്ഞിനുള്ളില്‍ ഒരു നീറ്റല്‍. ദാരിദ്ര്യത്തിന്റെയും പട്ടിണിയുടെയും ആ ഭീകര മുഖം ഒരിക്കല്‍ക്കൂടി എന്റെ മുന്നില്‍ വന്ന്  അതിന്റെ  ആ ഭയപ്പെടുത്തുന്ന ചിരി ഒരിക്കല്‍ക്കൂടി ചിരിക്കുന്നത് പോലെ. ഞാന്‍ പട്ടിണി കിടന്നിട്ടുണ്ട് എന്റെ അഹങ്കാരം കൊണ്ട്  ഇല്ലാഞ്ഞിട്ടല്ല, നല്ല തല്ലിന്റെ കുറവുകൊണ്ട് മാത്രം. അല്ലാതെ ദാരിദ്ര്യമോ പട്ടിണിയോ ഞാന്‍ അനുഭവിച്ചിട്ടില്ല. ജഗദീശന് നന്ദി. എന്നിരുന്നാലും എന്റെ കണ്ണുകള്‍ നനയിച്ച ഒരു അനുഭവം  ഞാന്‍ ഇവിടെ പറയാം. ആഫ്രിക്കയിലോ ലാറ്റിനമേരിക്കയിലോ അല്ല  ലോകത്തിലെ ഒന്നാം നമ്പര്‍ കോടീശ്വരന്മാര്‍ ഉരുത്തിരിഞ്ഞു വന്നു കൊണ്ടിരിക്കുന്ന നമ്മുടെ ഇന്ത്യയില്‍.

കാല്‍വരിമൌണ്ട്-- പ്രകൃതിയുടെ മടിത്തട്ടില്‍

ഇത് കാല്‍വരിമൌണ്ട്,  നട്ടുച്ചക്ക് പോലും മുട്ടും പല്ലും  കൂട്ടിയിടിക്കത്തക്ക തണുപ്പ് നിറഞ്ഞ പ്രദേശം. കോടമഞ്ഞില്‍ കുളിച്ചു നില്‍ക്കുന്ന മരങ്ങളും ചെടികളും. സമുദ്രനിരപ്പില്‍ നിന്നും ഏകദേശം 2500 ഓളം മി. ഉയരം. ഒരു ഭാഗത്തായി ഇടുക്കി ജലസംഭരണിയുടെയും മറുവശത്തു കട്ടപ്പന, കാമാക്ഷി, മരിയാപുരം പഞ്ചായത്തുകളുടെ മനോഹര ദൃശ്യത്താല്‍ അനുഗ്രഹിക്കപ്പെട്ട ഇടം. അധികാരികളുടെ കണ്ണ് തുറന്നാല്‍ കേരളത്തിന്റെ വിനോദസഞ്ചാര ഭൂപടത്തില്‍ പ്രധാന സ്ഥാനം വഹിക്കാന്‍ അവകാശമുള്ള സ്ഥലം.

പാല്‍ക്കുളം മേട് -കാനന സുന്ദരി

അപ്പൊ നമ്മുക്ക് പാല്‍ക്കുളം മേടിനു പോകാമല്ലേ !!! പിന്നെ ഒരു കാര്യം ആദ്യമേ പറഞ്ഞേക്കാം ഞാനാണു നേതാവ്  കാടാണ് മലയാണ്   പറയുന്നതൊക്കെ കേട്ട്  മര്യാദക്കാരായി എല്ലാം കണ്ടും കേട്ടും അനുഭവിച്ചും പോരണം  ഓക്കേ !!!!! ചുമ്മാ പറഞ്ഞതാണെ

 യാത്രക്കുമുന്‍പായി നെറ്റിലൊന്ന് സെര്ച്ചിനോക്കിക്കോ paalkkulam medu 
KTDC വക
Palkulamedu
(12 km from Idukki) Kochi, Alappuzha and other nearby towns can be seen from this peak which is located 3125 m above sea level. Was this information useful? yes  no
ഈ പോസ്റ്റ്‌ വായിച്ചുകഴിയുമ്പോള്‍ KTDC യെ ഒന്ന് സഹായിചെക്കണേ നമ്മളല്ലാതെ ആരാ അവര്‍ക്കുള്ളത് പാവമല്ലേ നമ്മടെ KTDC അല്ലെ

പിന്നേം ഭേദം  വിക്കി തന്നെ
 This is the one of the most highest peak in idukki.It is becoming a tourist place.
For more details:The Palkulam Medu can be reached by either from Churuly or from Asoka Kavala. പറഞ്ഞത്രോം കാര്യമാ
useful one      http://www.peermade.info/travel/palkulamedu

മുന്‍വാക്ക് 
    മലമുകളില്‍ നിന്നും വര്‍ഷകാലത്ത് പതഞ്ഞൊഴുകി പാല്‍ നിറത്തില്‍ താഴ്വാരത്തുള്ള കൊക്കരക്കുളം കയത്തിലേക്ക് പതിക്കുന്ന അരുവിയില്‍ നിന്നുമാണ് പാല്‍ക്കുളം എന്ന പേര് ഈ മലക്ക് കിട്ടിയത് . വര്‍ഷകാലത്ത് നിറഞ്ഞൊഴുകി താഴ്വാരത്തെക്ക് പതിക്കുന്ന ഈ അരുവി വേനല്‍ക്കാലത്ത് വറ്റിവരണ്ടു കിടക്കും . അതിനാല്‍ ഈ മനോഹര ദൃശം കാണണമെങ്കില്‍ മഴക്കലത്തുതന്നെയിവിടെ എത്തണം

പാല്‍ക്കുളം മേട്ടിലേക്ക് എത്തിച്ചേരാന്‍ 

പ്രധാനമായും മൂന്നു വഴികലാനുള്ളത് ഇടുക്കി ഏറണാകുളം പാതയില്‍ നിന്നും തിരിഞ്ഞു പോകുന്നവയാനിതെല്ലാം
ഒന്ന് ചുരുളിയില്‍ നിന്നും ആല്പ്പാര വഴി പാല്ക്കുലത്തിന്റെ വടക്കായി എത്തിച്ചേരുന്ന ജീപ്പ് റോഡു.
രണ്ടു അശോക കവലയില്‍ നിന്നും മുളകുവള്ളിവരയുള്ള ജീപ്പ് റോഡും അവിടെ നിന്നുമുള്ള നടപ്പാതയും
അടുത്തത് തടിയന്പാട് നിന്നും മണിയാരന്‍കുടി വഴി പല്ക്കുളം ത്തിന്റെ തെക്ക് എത്തിച്ചേരുന്ന ജീപ്പ് റോഡും 
 സന്ദര്‍ശനത്തിനു പറ്റിയ സമയം
നവംബര്‍ മുതല്‍ മേയ് പകുതി വരെ
അതി രാവിലെ എത്തിചെരുകയാണെങ്കില്‍ വന്യമൃഗങ്ങളെ കാണുവാന്‍ സാധിക്കും (With high risk and no protection )

സന്നാഹം 

    നമ്മള്‍ യാത്രക്ക് തിരഞ്ഞെടുക്കുന്നത് മൂന്നാമത്തെ വഴിയാണ് . ഈ പാതയകുംപോള്‍ കാടിനുള്ളിലൂടെ ഒരു ട്രാക്കിങ്ങും ആകും പല പുതിയ കാഴ്ചകളും കാണുവാനും സാധിക്കും. പോരാത്തതിന് ഒരു സാഹസിക യാത്രകൂടിയാണ്.   ഇതുവഴി കാല്നടയായിട്ടാണ് പോവേണ്ടത്. മണിയരന്കുടി വരെ വാഹനത്തിലും അതിനുശേഷം സ്വന്തം കാലിലും.
സാഹസികത ഇഷ്ടപ്പെടുന്നവര്‍ മാത്രം യാത്രക്ക് പോരാവൂ .കാരണം 4 കി. മി. ഇടുക്കി റിസര്‍വ് വനത്തിനുള്ളിലൂടെയാണ് പോകേണ്ടത് . കാട്ടാന, കരടി, പുലി, കാട്ടുപോത്ത് , ചെന്നായ, കാട്ടുനായ, കാട്ടുപന്നി , കുറുക്കന്‍ , മ്ലാവ് , മാന്‍ , കേഴ മുതലായ ജന്തുക്കളും പെരുമ്പാമ്പ്‌ , മൂര്‍ഖന്‍ , അണലി , രാജവെമ്പാല  മുതലായ ഇഴജന്തുക്കളും കരിന്തേള്‍ , പഴുതാര മുതലായവയും ഇവരുടെയെല്ലാം ഫാമിലി മെമബെര്സും ബന്ധുക്കളും സുഹൃത്തുക്കളും എല്ലാം ചിലപ്പോള്‍ നമ്മളോട് വിശേഷം തിരക്കാന്‍ വന്നേക്കാം .

സാധന സാമാഗ്രികള്‍

രണ്ടു കള്ളികളുള്ള ഒരു sholder ബാഗ് ഒരുകള്ളി സ്വന്തം ജീവനെടുത്തു സൂക്ഷിക്കാനാണ് നിവൃത്തിയില്ലതെവന്നാല്‍ എടുത്തെവിടെയെലും വച്ചിട്ട് ഓടാമല്ലോ !!!!!!
ചെറിയ ഒരു കത്തി (എന്തെങ്കിലും കണ്ടിക്കാമല്ലോ )
ഒരു കുപ്പി കുടിവെള്ളം (ഒന്ന് മതി ബാക്കി വഴിയില്‍ കിട്ടും )
ക്യാമെറ (ചിത്രങ്ങലെടുക്കണമെങ്കില്‍ )

ഒഴിവാക്കേണ്ടവ 

സിഗരെട്ട്‌, മദ്യം (എന്തിനാ കാട്ടുജീവികളെ വേണ്ടാതീനം പഠിപ്പിക്കുന്നെ )
MP3 player , mobile phone(use only silent mod) (പാട്ടുകേല്‍ക്കാനാനെങ്കില്‍ വീട്ടിലിരുന്നാപ്പോരെ )
കലപില വാചകമടി (ചുമ്മാ മൃഗങ്ങളുടെ ക്ഷമ പരീക്ഷിക്കരുത് )
കടും നിറത്തിലുള്ള വസ്ത്രം (വന്ന്യജീവികളുടെ BP കൂട്ടരുത് )

മുന്നറിയിപ്പ്   

    വഴിയില്‍ വച്ച് കാട്ടാനയെ കാണുകയാണെങ്കില്‍ ഒരു കാരണവശാലും ബഹളമുണ്ടാക്കുകയോ ഓടുകയോ ചെയ്യരുത് കാരണം ചിലപ്പോള്‍ അവകൂട്ടത്തോടെയായിരിക്കും നമ്മള്‍ പേടിചോടിചെല്ലുന്നത് മറ്റുള്ളവയുടെ വായിലേക്കായിരിക്കും.
കണ്ണ് , മൂക്ക്, ചെവി  എന്നിവ ജഗരൂകമായിരിക്കണം
മഴക്കാലമാണെങ്കില്‍ തോട്ടപ്പുഴുവിനെയും  വേനല്‍ക്കാലത്ത് മ്ലാം ചെള്ളിനെയും ആണ് ഏറ്റവും ഭയക്കേണ്ടത് .(തോട്ടപ്പുഴു -രക്തം കുടിക്കുന്ന അട്ട മഴക്കാലത്തും ജലസാമീപ്യം ഉള്ളിടത്ത് കാണപ്പെടുന്നു .വേനല്‍ക്കാലത്ത് മണ്ണിനടിയില്‍ സമാധി ദശയില്‍ കഴിയുന്നു 
മ്ലാം ചെള്ള് -ചെറിയ  ഒരു പരാദ ജീവി വന്യജീവികളുടെ ദേഹത്ത് താമസം എന്നാലിവ വേനല്‍ക്കാലത്ത് കൂട്ടമായി ബോള്‍ രൂപത്തില്‍ ചെറിയമരങ്ങളിലും മറ്റും തൂങ്ങിക്കിടക്കും ഇതില്‍ പോയി തട്ടുകയോ മറ്റോ ചെയ്താല്‍ നമ്മുടെ ദേഹത്തും ആകും അതുപോലെ നിലത്തും എല്ലാം ഇവയെ ഈ സമയത്ത് കാണാം - ഇവ ശരീരത്ത് കയറിയാല്‍ ദേഹത്ത് തുളച്ചിറങ്ങി താമസം ആരംഭിക്കും നമ്മലരിയുംബോഴേക്കും പെട്ടുപെരുകിയിട്ടുണ്ടായിരിക്കും നീര്‍, ചൊറിച്ചില്‍ മുതലായവ ഫലം ഓപറേഷന്‍ വേണ്ടിവരും നീക്കം ചെയ്യാന്‍ )

കാട്ടിലെ രണ്ടു പാവം അന്തേവാസികള്‍ 

ഒരു ജീവിയെപ്പോലും ഉപദ്രവിക്കരുത് കാട് അവരുടെ വീടാണ് വീട്ടില്‍പ്പോലും കേറിത്തല്ലുകാന്നുവച്ചാല്‍ കഷ്ടമാണ്
കാട്ടുജീവികള്‍ പേടിച്ചിട്ടാണ് മനുഷ്യരെ ഉപദ്രവിക്കുന്നത് നിവൃത്തിയുണ്ടെങ്കില്‍ മനുഷ്യന്റെ മണമടിച്ചാല്‍ത്തന്നെ അവ ഓടി രക്ഷപെടും.
ഗയ്ടുന്ടെങ്കില്‍ അവരെ അനുസരിക്കുക.
OK LET US START!!!!!!!!!!

ഇടുക്കി ദൈവത്തിന്റെ സ്വന്തം ഭൂമി

തുടക്കം സ്വന്തം നാട്ടില്‍ നിന്ന് തന്നെയാവട്ടെ അല്ലെ. God's own country ലെ God's Own Land ല്‍ നിന്നും . ഇടുക്കിക്ക് ദൈവം വാരിക്കോരി തന്നിട്ടുണ്ട് പ്രകൃതി ഭംഗിയും, മനോഹാരിതയും,ശുദ്ധ വായുവും,  നന്മയും , കുടിയേറ്റക്കാരുടെതായ സഹകരണവും , ധീരതയും എല്ലാം . ഒപ്പം ഇടി, മഴ (ഭീകരമഴ- അതുകൊണ്ടാണല്ലോ നമ്മളു വെട്ടം കാണുന്നെ ) , ഉരുള്‍പൊട്ടല്‍ , മണ്ണിടിച്ചില്‍ ,  എന്ന് വേണ്ട കുറെ വാലായും. ഇതിനെയെല്ലാം അതിജീവിക്കാനും മുന്നേറാനും പഠിച്ച ഒരു ജനത ജീവിക്കുന്ന മണ്ണ്‍.
      കേരളത്തിന് കാര്‍ഷിക മേഖലയില്‍ ഏറ്റവുമധികം വരുമാനം നേടിത്തരുന്ന ജില്ല . കേരളത്തിന്‍റെ  ഊര്‍ജ്ജ്യ ആവശ്യങ്ങള്‍  ഭൂരിഭാഗവും നിറവേറ്റിത്തരുന്നതും ഈ ജില്ലയാണ് . എന്നാല്‍  നിലനില്‍പിനുവേണ്ടി  ഇവിടുള്ള  കര്‍ഷകര്‍  ഇന്ന് പോരാട്ടത്തിന്റെ   പാതയിലാണ് . മാറി മാറി വരുന്ന സര്‍ക്കാരോ അധികാരികള്‍ക്കോ ഇതൊന്നും ശ്രെധിക്കാന്‍  നേരവുമില്ല . ഓക്കേ  അതൊക്കെ പോട്ടെ  അറിയാതെ പറഞ്ഞു പോകുന്നതാ , എന്തുചെയ്യാം ഞാനും ഇടുക്കിക്കാരനായിപ്പോയില്ലേ .