പേജുകള്‍‌

Tuesday, December 7, 2010

വെളുപ്പിനഴക് കറുപ്പിനോ..... ?

ഒരു നടോടികഥ കേട്ടിട്ടുണ്ട് പണ്ട്. ഒരമ്മ തന്റെ മകനെ നോക്കാന്‍ , താന്‍ ഓമനിച്ച് വളര്‍ത്തുന്ന കീരിയെ ഏല്‍പ്പിച്ചിട്ട് പുറത്തുപോകുന്ന കഥ. തിരിച്ചുവരുന്ന അമ്മ കണ്ടത് മുഖം നിറയെ ചോരയുമായി നില്‍ക്കുന്ന കീരിയെ ആണ്. തന്റെ മകനെ അത് കടിച്ചു കീറി എന്ന് കരുതിയ അമ്മ ആ പാവത്തിനെ തല്ലികൊല്ലുന്നു. അതിനു ശേഷം മാത്രമാണ് അവര്‍ കീരി കടിച്ചു മുറിച്ചിട്ടിരിക്കുന്ന വിഷപ്പാമ്പിനെ കാണുന്നത്. പിന്നീട് അവര്‍ കരയുകയും പശ്ചാത്തപിക്കുകയും എല്ലാം ചെയ്യുന്നു എന്ത് കാര്യം.
              ഈ കഥ ഇപ്പോള്‍ ഓര്‍ക്കാന്‍ കാരണം ഫേസ്ബുക്കില്‍ ഇന്ന് കണ്ട ഒരു വീഡിയോ ക്ലിപ്പിംഗ് ആണ്. നിങ്ങളും ഒന്ന് കണ്ടു നോക്കുക ഈ കഥയുമായി എന്തെങ്കിലും സാമ്യമുണ്ടോ ഇതിനെന്നു.


video

             ഇവിടെയും പ്രശ്നം അവന്റെ നിറവും ജനുസും ആണ്. കറുത്തവനോ നീഗ്രോയോ ഒരിക്കലും നന്മ ചെയ്യില്ലല്ലോ. അതുകൊണ്ടായിരിക്കാം നമ്മെ ഭീതിയില്‍ ആക്കുന്ന എല്ലാ രൂപങ്ങള്‍ക്കും തന്നെ കറുപ്പ് നിറം നല്‍കുന്നത്. ലോകത്തിലെ ഏറ്റവും വലിയ ദുഷ്ടന്മാരും അവരാണല്ലോ. വിശ്വാസം വരുന്നില്ല അല്ലെ.
            നൂറ്റാണ്ടുകളായി ഓടിക്കൊണ്ടിരിക്കുന്ന ചൂഷണത്തിനും അടിമത്തത്തിനും വിധേയനായ, പ്രകൃതി പോലും ചതിക്കുന്ന നാട്ടില്‍ വളര്‍ന്ന അവനില്‍ ശരിക്കും ഭയമായിരിക്കും ഉണ്ടാകുക. മറ്റുള്ളവരെ അവനെങ്ങിനെ വിശ്വസിക്കും അതിന്‍റെ പ്രതിഫലനമായ ചില പ്രത്യേകതകള്‍ അവനില്‍ ഉണ്ടാകാം. ലോകത്തിലെ എല്ലാ കറുത്തവരുടെയും ഗതി ഇത് തന്നെയാണല്ലോ.  ഈ കാലഘട്ടത്തില്‍  ഇതിനെല്ലാം കുറെ അറുതി വന്നിട്ടുണ്ടെങ്കിലും.
              കറുത്തവനോടുള്ള അല്ലെങ്കില്‍ താഴ്ന്ന ജനുസ്സ്‌ എന്ന് വെളുത്തവര്‍ പറയുന്നവരോട് ഇവര്‍ക്കുള്ള സ്നേഹം അമേരിക്കന്‍ ആഭ്യന്തര യുദ്ധത്തില്‍ നമ്മള്‍ കണ്ടതാണല്ലോ. നമ്മുടെ ഇന്ത്യയില്‍ ആണെങ്കില്‍ വട്ടമേശ സമ്മേളനത്തിലൂടെയും. ഈ മുടിഞ്ഞ സ്നേഹം മൂലമാണല്ലോ ക്യഷേസ് ക്ലേ മുഹമ്മദ്‌ അലി ആയത്.
              ഈ വര്‍ണവേറിയന്‍ നാറികള്‍ ഇവരുടെ നാട്ടില്‍ നിന്നും കൊള്ളയടിച്ച മുതലുകൊണ്ട് സുഖിക്കുമ്പോള്‍, എത്യോപ്യയിലെയും സോമാലിയായിലെയും പാവങ്ങള്‍ ഒരു നേരത്തെ ആഹാരത്തിനു വകയില്ലാതെ നരകിച്ച് മരിക്കുന്നു. ഇവനൊക്കെ അതിനെക്കുറിച്ച് സിനിമ എടുക്കുന്നു ഡോക്കുമെന്ററി പിടിക്കുന്നു. യോഗങ്ങള്‍ വിളിച്ചുകൂട്ടി സംഘടനകള്‍ രൂപീകരിക്കുന്നു ആഹ... ഹ.. .  അല്ല  ഇനി ഇവരെ പിഴിയാന്‍ ഇതല്ലേ മാര്‍ഗമുള്ളൂ, അല്ലാത്തതെല്ലാം നമ്മള്‍ വീട്ടിലെത്തിച്ചല്ലോ. നമ്മുടെ സഭയാനെന്കില്‍ അവര്‍ക്ക് വേണ്ടി പ്രാര്‍ഥിക്കുന്നു, ഉപവാസമിരിക്കുന്നു.... ഹോ എനിക്ക് കുളിര് കോരുന്നു ഈ സ്നേഹവും സഹാനുഭൂതിയും കാണുമ്പോള്‍. വത്തിക്കാനില്‍ കൂട്ടിയിട്ടിരിക്കുന്ന സ്വത്തിന്റെ നൂറില്‍ ഒന്ന് മതി ഈ രാജ്യങ്ങളിലെ പട്ടിണി മാറാന്‍.
           UN ലെ തലതൊട്ടപ്പന്മാരാണല്ലോ ഏറ്റവുംകൂടുതല്‍ ഇവിടെ നിന്നും കടത്തിയിടുള്ളത്, ചുമ്മാ ഞഞ്ഞപിഞ്ഞാ പറയാതെ, ആ മാന്യമായ രീതിയില്‍ അവരെ ഭരിക്കുക എന്ന ഭാരിച്ച ജോലിചെയ്തതിന്റെ കൂലിയായിട്ടെടുത്തതിന്റെ ഒരു ശതമാനമെന്കിലും ഇവര്‍ക്ക് വേണ്ടി ചിലവാക്കിയിരുന്നെന്കില്‍.  പിന്നെ ഇപ്പൊ അതിനല്ലേ നേരം ലോകത്തിന്റെ സമാധാനം കാക്കാന്‍ ഇറാക്കിലെയും, അഭ്ഗാനിസ്ഥാനിലെയും കാര്യം നോക്കാന്‍ തന്നെ സമയമില്ല പോരത്തതിനാ ലിബിയയും പാലസ്തീനും അതിന്റെടെലാ ഈ പുട്ട് കച്ചവടം.
            അയ്യോ.. ഞാന്‍ മറന്നുപോയി ഇവിടെയെല്ലാം ആഭ്യന്തരയുദ്ധങ്ങള്‍ നടക്കുകയാണല്ലോ, അതുകൊണ്ടു മാത്രമാണല്ലോ ഈ പട്ടിണി ഉണ്ടാകുന്നത്. അതുപോലെ സോമാലിയയിലെ പിള്ളേര്‍ ഇപ്പൊ ആഡംബര ജീവിതത്തിനു വേണ്ടി കപ്പല്‍ തട്ടിയെടുക്കുകയാണല്ലോ.
             എങ്കിലും ഒരു നിമിഷം, എന്തെ ഈ കള്ളന്മാരെ ആ നാട്ടുകാര്‍ ഇഷ്ടപ്പെടുന്നത് ബഹുമാനിക്കുന്നത് സ്നേഹിക്കുന്നത്.  ഇപ്പൊ പിടികിട്ടിയില്ലേ ഇവന്മാരെല്ലാം കള്ളന്മാരാണെന്ന്, ദുഷ്ടന്മാരും. ഇവനൊക്കെ പെട്ടന്ന് ചാകാനുള്ളതിന് നമ്മള്‍ സുന്ദരക്കുട്ടന്മാര്‍ക്കുള്ള ഈ ലോകത്തിന്റെ മനോഹാരിത നശിപ്പിക്കാനായിട്ടു ജീവിക്കുന്നു. അഴുക്ക ചവങ്ങള്‍.

2 comments:

  1. ഒരു പാട് നിറങ്ങളുള്ളവര്‍ ഇവരെ 'കളേ൪ഡ്' എന്ന് വിളിക്കുന്നു ..വിരോധാഭാസം ..നല്ല ലേഖനം

    ReplyDelete
  2. പല സമൂഹങ്ങാളിലും പുരുഷന്‍ തങ്ങളുടെ സമൂഹത്തിലെ സ്ത്രീയെയാണ് ചൂഷണം ചെയ്യുന്നത്. സ്ത്രീയുടെ നിറം പലപ്പോഴും പുരുഷനേക്കാള്‍ കൂടുതല്‍ വെളുത്തതായിരിക്കും. നമ്മുടെ ഇറാഖികളും,അഫ്ഘാനികളുമൊന്നും അത്ര നിറമോ സൌന്ദര്യമോ കുറഞ്ഞവരൊന്നുമല്ല. അറിവ് കൂടുതലും സംസ്ക്കാരം കുറഞ്ഞവരുമായ സമൂഹം തങ്ങളേക്കാള്‍ അറിവു കുറഞ്ഞവരെയും ദുര്‍ബലരേയും ചൂഷണം ചെയ്തുകൊണ്ടിരിക്കും. അന്യന്റെ ദൌര്‍ബല്യങ്ങള്‍ മുതലാക്കുക...ഇതൊരു (മൃഗവാസന)സംസ്ക്കാരശൂന്യന്റെ (കച്ചവടക്കാരന്റേയും)ലോക നിയമമാണ്. ആറിവിലൂടെ അതില്‍നിന്നും ഉയര്‍ന്നു നില്‍ക്കുകയേ വഴിയുള്ളു.അതിനു പകരം അക്രമം കൊണ്ട് ജയിക്കാന്‍ ശ്രമിക്കുംബോഴാണ് ഉളളതും ഇല്ലാതാകുന്നത്.

    ReplyDelete

Related Posts with Thumbnails